Press Releases


Máret Ánne Sara Pile o´ Sápmi boahtá Osloi

Published 2017/11/29

Máret Ánne Sara's Pile o' Sápmi installed at Neue Neue Galerie (Neue Hauptpost), documenta 14, Kassel 2017. Photo: Matti Aikio

English version Norsk versjon

OCA ALMMUHA

Máret Ánne Sara dáidda Pile o´ Sápmi, mii lea leamaš documenta 14-čájáhusas Neue Neue Galeries (Neue Hauptpostas), Kasselis 2017, čájehuvvo Oslos.

Maŋŋebárgga skábmamánu 5.b. – gaskavahku skábmamánu 6. b. 2017

Eidsvoll Plass (Stuorradikki olggobealde)
Karl Johans gate 22
0026 Oslo, Norway
www.oca.no

Máret Ánne Sara dáidda Pile o´ Sápmi čájehuvvui documenta 14:s Kasselis ja oaččui ollu rámi. Dál dáidda čájehuvvo Eidsvoll Plassas Stuorradikki ovddabealde, Oslos, juovlamánu 5. -ja 6. beaivve. Dáidagis heaŋgájit 400 bohcco gállu, ja dat oaččui gudnenammadeami oktan logi buoremus dáidagis documenta 14:s, ja oaččui ereliiggán buriid kritihkaid riikkaidgaskasaččat. Gálloráiddut leat oassin stuorát, epynoma dáiddalihkadusas, man olis Sara lea čohkken dáiddárverddiid čalmmustahttit Sámi vuoigatvuođaid ja hástalusaid, maiguin álgoálbmogat rahčet juohke beaivve. Go čájáhus dál čájehuvvo maiddái Oslos, de das leat mielde iešguđetlágan intervenšuvnnat ja prošeavttat, maidda servet Sámi, Norgga ja riikkaidgaskasaš dáiddárat, vieljaveardásaččat, ja ovttasbarggus Tenthausan ja Sámi Viesuin. Okta sis lea Cecilia Vicuña (beakkán, documenta 14:i searvan chilelaš diktačálli, dáiddár ja filbmadahkki), nu maiddái erenoamáš dáhpáhus, maid norgalaš dáiddár A K Dolven lea ráhkadan, man namma lea “Reindeer Wondering, extending through the city and involving dozens of Norwegian citizens”. Pile o´Sápmi lea bovden earret eará Sámedikki presideantta, Aili Keskitalo, hállat sámi badjealbmáid duođalaš politihkalaš ja juridihkalaš dilis ja dán áiggi sámi kultuvrras. Su sáhkavuorru lea juovlamánu 6. beaivve.

Máret Ánne Sara muitala ahte Pile o´Sapmi álggii ‘viidánan dáiddalihkadussan, mainna mieđusteimmet mu unnavielja diggeášši’. Vuosttaš dáidagis varas bohccogállut ledje bardojuvvon stuorra látnan, man čohkas lei Norgga leavga. Dáidda ráhkaduvvui 2016 ja lei bardojuvvon Sis-Finnmárkku Diggegotti olggobeallái, gos Jovsset Ánte Sara (dáiddára viellja) digaštalai Eanadoallo- ja biebmodepartemeanttain dikkis mearrádusa, mii gáibidii su njuovvat beali ealustis. Dan oktavuođas Jovsset Ánte Sara celkkii, ahte ealu geahpedeapmi standárdagoriid mielde bággešii su reastaluvvat ja bággešii su maiddái guođđit árbevirolaš eallinvuogis, kultuvrras ja loahpa loahpas maiddái vuoigatvuođaid, maid son lea árben.

Pile o´Sapmi lea ožžon njuolggoinspirašuvnna historjjálaš govas, maid Sara gávnnai interneahtas, Pile of Bones. Dat govva ovdanbuktá mo Amerihká ođđa ássit 1700-logu beallemuttus duššadedje vaikko man ollu Amerihká álgoálbmogiid ealáhusa, go sii godde measta jo visot logiid miljovnnaid buffaloid, mat dassážii ledje guhton viiddis guovllus maŋimuš jiekŋaáiggi rájes.

Jovsset Ánte Sara vuittii vuosttaš diggeášši Sis-Finnmárkku Diggegottis, nu maiddái nuppi dikki Hålogalándda lágamánnerievttis. Ášši lea dál ovddiduvvon Oslo alimusriektái, gos dan gieđahallet juovlamánu 5. ja 6. beaivve.

Máret Ánne Sara lea buvttadan "Pile o´ Sápmi Supreme" ovttasbarggus Tenthausain, Sámi Viesuin ja Oslo Sámiid Servviin – OSS. Prošeaktadoarjaga lea juolludan URO - KORO doarjja- ja buvttadanortnet, mii veahkeha ollašuhttit dáiddaprošeavttaid olgun ja eará almmolaš báikkiin, ja Sámiráđđi.


Sáhtát lohkat eanet dan Máret Ánne Sara documenta 14:i searvamis dás.
Jos háliidat eanet dieđuid Máret Ánne Sara dáidagis Pile o’ Sápmi, guovllat dađe várás sierra ráhkaduvvon neahttasiiddus.


Máret Ánne Sara
Máret Ánne Sara lea dáiddár, gii dáidagiinnis čalmmustahttá politihkalaš ja sosiála čuolmmaid, mat čuhcet sápmelaččaide ja badjeolbmuide. Sara lea ráhkadan pláhkáhiid, CD / LP bajildusaid, lávdehábmema ja hábmen tekstiillaid ollu sámi dáiddáriidda, designejeddjiide ja ásahusaide, ja sus leat leamaš govvačájáhusat 2003 rájes. Son dasa lassin doaimmaheaddji, journalista ja girječálli. Su vuosttaš girji, Ilmmid gaskkas nammaduvvui Davviriikkaid ráđi mánáid- ja nuoraidgirjjálašvuođa bálkkašupmi evttohassan 2014, ja lea dáiddár lea ovdanbuktán dan gieskat oktan eará dáiddabargguidisguin Southbankas, Londonis. Son lea lahtuin, geat álggahedje Guovdageainnu Dáiddadálu. Sara prošeakta Pile o’Sápmi, mii ain lea jođus, lea leamaš Documenta 14 -čájáhusas, Neue Neue Galeries (Neue Hauptpostas), Kasselis 2017.


Office for Contemporary Art Norway (OCA) 
 

The Office for Contemporary Art Norway (OCA) lea ii-gávppálaš vuođđudus, maid Norgga kulturdepartemeanta ja olgoriikadepartemeanta ásahedje 2001. Dan váldoulbmil lea ovddidit gulahallama Norgga dáiddáriid ja riikkaidgaskasaš arenaid gaskka, ja doarjut Norggas doaibmi dáiddáriid ja kulturbargiid doaimmaid miehtá máilmmi. OCA diskurssaid, čájáhusaid, almmustahttimiid, dáiddárorrumiid (Oslos ja riikkaidgaskasaččat) ja áššedovdiid gallestallanprográmmaid váldun lea buktit Norgii máŋggabealat geavadiid ja muitalusaid, mat leat bajimuččas riikkaidgaskasaš dáiddalaš digaštallamiin ja ovddidit aktiivvalaš searvama dakkár digaštallamiidda sihke riikka siste ja riikkaidgaskasaččat. OCA:s lea leamaš ovddasvástádus lágidit Norgga searvama Venecia Biennála govvadáiddaoassái 2001 rájes.